മാതാ അമൃതാനന്ദമയിക്കൊപ്പം മമ്മൂട്ടിയും മോഹന്ലാലും, ജി.മാധവന്
നായര്ക്കൊപ്പം ഇ.ടി. മുഹമ്മദ് ബഷീറും മൂസ എരഞ്ഞോളിയും. ഗുരു ചേമഞ്ചേരി
കുഞ്ഞിരാമന് നായരും പി.ജെ.കുര്യനും പി.കെ.കുഞ്ഞാലികുട്ടിയും തോളോടു
തോള്.
അതീവ വിചിത്രവും അപൂര്വ്വവുമായ ഇത്തരം ഒത്തു ചെരലുകള് കൊണ്ട് വേറിട്ടു
നില്ക്കുന്ന ഒരു പുസ്തകം പുറത്തിറങ്ങിയിരിക്കുകയാണ്. കോഴിക്കോട്ടെ
ധാര്മ്മികത മാസികയാണ് പുതുമയുള്ള ഈ പുസ്തകത്തിന്റെ പ്രസാധകര്.
കേരളത്തിലെ വിവിധ മേഖലകളില് പ്രവര്ത്തിക്കുന്ന വ്യക്തികളുടെ ലഘു
ജീവചരിത്രമുള്ക്കൊള്ളുന്ന പുസ്തകത്തില് പ്രശസ്തരും അപ്രശസ്തരുമാസ
ഒട്ടേറെ വ്യക്തി ചിത്രങ്ങളുണ്ട്. ഇംഗ്ലീഷ് അക്ഷരമാലാ
ക്രമത്തിലാണ്പേരുകള് ക്രമീകരിച്ചിരിക്കുന്നത്. ഒപ്പം ഫോട്ടോയും
ജീവചരിത്ര കുറിപ്പുകളുമുണ്ട്. അക്ഷരം മാത്രം അടിസ്ഥാനമാക്കിയാല്
പലതുകൊണ്ടും വ്യത്യസ്തരായ വ്യക്തിത്തങ്ങളുടെ അപൂര്വ്വമായ സങ്കരമായി
പേജുകള് മാറുന്നു. ഉമ്മന് ചാണ്ടിയും ഉര്വ്വശിയും ഒരേ പേജില് വന്നതും
ഒ.രാജഗോപാലും വി.പി.രാമകൃഷ്ണപിള്ളയും പാലാ സി.കെ. രാമചന്ദ്രനും
അടുത്തടുത്ത് വന്നതും ഇതുകൊണ്ടു തന്നെ. ഈ കൌതുകമാണ് പുസ്തകത്തിന്റെ
ശക്തി. വസ്തുതാപരമായി ചുരുക്കം പിഴവുകളുണ്ടെങ്കിലും
വ്യക്തികളെക്കുറിച്ചുള്ള പ്രഥമ വിവരങ്ങള് നല്കുന്നുവെന്നതും കേരള
ഡയറക്ടറിയുടെ പ്രത്യേകതയാവുന്നു.
